'Auē! 'Ua tahito roa tā 'oe tū'imi, 'aita e noa'a i te fa'a'ite pāpū i te mau tahua natirara 'āpī. 'A rave a'e iā Google Chrome, 'aore ra iā Mozilla Firefox, 'aita ana'e, 'a tāmata īa nā ni'a mai i te pa'e, 'aore ra nā ni'a mai i te niuniu 'āfa'ifa'i. Māuruuru.
Mozilla Firefox Google Chrome

Pōrīnetia Farāni

'Ia au i te Parau tāpa'o ha'amāramaramara'a tei tārima hia i te matahiti 2017 ra, 'e nā roto i te rave 'āpīpitira'a i te 'ohipa e te Seasteading Institute, 'ua oti iā Blue Frontiers i te mā'imira'a i te pae o te arutaimareva, te fa'arava'ira'a faufa'a, 'e tae noa atu i te pae o te fa'aturera'a nō te hāmani 'e nō te tūtau i te mau noho'atai i ni'a i te tai o Pōrīnetia Farāni, nā roto i te arata'ira'a ture ta'a 'ē tei hōro'a mai i te ti'amāra'a maitata'i.

x

Tē ti'aturi pāpū nei mātou e patireia fa'ahiahia mau 'o Pōrīnetia Farāni nō te tāu'aparau nō ni'a i te tūtaura'a i te mau noho'atai. E patireia haumaru tei 'āua ha'a'ati hia e nā 118 motu o te Moana Nui a Hiva, i reira ho'i mātou i 'ite ai i te tahi mau vāhi tano roa nō taua 'ohipa ra. Tei rāpae teie patireia i te rēni mata'i rorofa'i, 'ua ha'amau ato'a i te mau natira'a natirara 'āpī roa, 'e mea rahi te mau taiete manureva e rere atu nā te mau 'oire rarahi mai iā Los Angeles 'e 'o San Francisco.

Noa atu ho'i nō tāvevo mai nei te reo pāto'i o te tahi pupu ta'ata, 'ua hiti ato'a mai te reo pāturu o te tahi atu pupu ta'ata tei pe'ape'a mau i mua i te mara'ara'a o te miti, 'e 'ua rau te rāve'a e feruri hia ra i reira. 'Ei fā mātāmua tā mātou nō nā ono 'āva'e mātāmua o te matahiti 2018, 'oia ho'i, 'ia 'imi i te tahi vāhi tano maita'i nō te ha'amau i teie 'ōpuara'a. Te tahi pu'era'a o tā mātou i mana'o na, 'o te mau vāhi ano, 'e te tahi ato'a mau vāhi i reira mātou e tāpiri i te nūna'a e noho i reira, 'ia fāna'o nā pae to'opiti ato'a, 'e 'ia rahi atu ā te feiā e pāturu mai iā mātou.

x

Pāpa'a

  • Titema 2016

    tere mātāmua i Pōrīnetia Farāni 'e fa'a'itera'a i te hau fenua

  • Tenuare 2017

    tārima hia te Parau tāpa'o ha'amāramaramara'a nō te mau mā'imira'a.

  • Mē 2017

    Rurura'a rahi o te ao nei nō ni'a i te mau motu mānu i Tahiti

  • 'Atopa 2017

    'Ua oti te mā'imira'a i te pae fa'arava'ira'a faufa'a, arutaimareva, 'e fa'aturera'a

  • Novema - Titema 2017

    tāpiri i te nūna'a, fa'aauhoa, mā'imi i te vāhi

Nā Uira'a Pinepine

Nā roto i teie 'ōpuara'a, e patu hia te tahi mau pa'epa'e mānu i te tairoto nō Pōrīnetia Farāni, 'ei rāve'a nō te ārai i te mara'ara'a o te miti and nō te fa'ahotu a tau.

E riro teie mau pa'epa'e 'ei mau nohora'a, mau piha ravera'a 'ohipa 'e hau atu nō te pāturu i te orara'a 'āmui 'e nō te tāmata i te patu 'āmui i te tahi orara'a 'ē.

Ta'a 'ē noa atu i te reira, e hina'aro mātou e poro i te mau rāve'a anoha'a pae rorouira 'e pae moana, ma te hāmani i te tahi vāhi ta'a 'ē mau.

Tē ha'a 'āpīpiti nei 'o Blue Frontiers 'e te mau hau fenua o te ao nei 'ia fāri'i maita'i hia te mau 'ōpuara'a nohora'atai tano. Nā te tahi mā'ohi i ha'amau ato'a iā Blue Frontiers, 'o tei 'ī maita'i i te pa'ari:

  • Fa'aterera'a pāpū 'e te ture 'āpī
  • Terera'a 'ohipa tei ha'amau hia i ni'a i te mau tao'a nō te mau mahana ato'a 'e te mau tāvinira'a ato'a
  • Rerera'a manureva pinepine 'e te 'āfaro i te mau pū 'oire rarahi
  • Natirara 'ā'ano tei riro i te tāta'i piti 'e te fa'arahi hia mai
  • Mea rahi te mau rave 'ohipa 'aravihi, mea vata te tuha'a o te mau tāvinira'a pae hau fenua 'e pae moana
  • Mea ruru 'e mea pāpa'u te tahi mau tairoto
  • Varavara te vero 'e te miti fa'a'ī
  • Anuvera tano maita'i

'Aita the Hau Fenua nei e nīni'i noa a'e i te moni, mai te fa'aineinera'a 'e tae noa atu i te hopera'a o te 'ōpuara'a. 'Aore moni a te feiā 'aufau tute e haere noa a'e i roto i te mau noho'atai. E 'ore ato'a e fa'a'ore hia te tute nō te mau 'ona o te fenua nei. Tē tohu nei 'o Blue Frontiers e ra'e roa te moni o tā mātou e tu'u mai i Pōrīnetia nei i te fāito 30 ānei, 50 ānei mirioni tāra marite nō te ha'amata noa i te 'ōpuara'a.

E riro te 'ōpuara'a motu mānu i te ha'amaita'i i te fa'anahora'a o te mau ārea terera'a faufa'a ta'a 'ē e vai nei ma te 'ume mai i te mau 'ona i Pōrīnetia Farāni. Nō te mea ho'i tē vai nei te mau ārea ti'amā i te ao nei, e hina'aro ato'a mātou i te tahi arata'ira'a ture 'āpī i reira, 'e 'ia nahonaho ato'a mai te mau pū 'ohipa a te Hau nō te 'ume mai i te mau hoa 'ohipa 'e te mau 'ona ato'a.

'Ua rātere mātou nā te tahi mau vāhi fa'ahiahia. Tē fa'ahohonu hia ra te mau tītorotorora'a, ma te fa'aro'o maita'i i te mau rapatanuhia, ma te ha'apa'o maita'i i te papa o te tai, te 'ōpape, te huru o te mata'i 'e te vāve'a.

'Ua tāhoho'a mai tō mātou mau rahu'a i te tahi mau hoho'a mātāmua nō tā mātou tahua natirara, 'o rātou tei fa'aue hia nō te tāhoho'a i te mau motu mānu 'ia au i te huru o te reva i 'ō nei, i te hia'ai o te huira'atira, 'e tae noa atu i te mau tītaura'a i te pae arutaimareva 'e i te pae o te a'ia'i o te vāhi mā'iti hia e mātou.

'Ua riro te arutaimareva 'ei mana'ona'ora'a iti rahi i roto i teie 'ōpuara'a, inaha mea 'eta'eta roa tō mātou mau tahu'a tāhoho'a nō te pāruru i te reira. Mea iti roa te 'ino tā tō mātou mau motu mānu e fa'atupu i roto i te arutaimareva, e fa'a'ohipa i te ito mā 'e, 'ia au i te tahi mau mā'imira'a muamua tei pūhara mai, e maita'i mai te arutaimareva nā roto i te tahi mau fa'anahonahora'a. Tē feruri nei mātou nō te rave 'āmui i te 'ohipa 'e te tahi mau hoa 'ohipa nō te hi'opo'a tāmau i te papa tairoto 'e nō te 'ōperepere i te vāna'a nō ni'a i te nu'ura'a o te 'ohipa.

I te matahiti 2017, 'ua tārima 'o The Seasteading Institute i te tahi fa'aaura'a mā'imira'a 'e te hau fenua o Pōrīnetia Farāni, 'e 'ua fa'aue iā Blue Frontiers 'ia rave oti roa i te mau mā'imira'a i te pae o te fa'aturera'a, te arutaimareva, 'e te fa'arava'ira'a faufa'a 'o tei tu'u hia atu ra.

'A huri mai i te Parau tāpa'o ha'amāramaramara'a (Reo Marite i te piti o te tuha'a).

Huri mai

E 'āmui mai tō mātou mau hoa 'ohipa 'e te mau taiete ato'a ho'i i roto i te ha'ara'a nō te fa'arau i te terera'a faufa'a 'e nō te tāmata i te tāpe'a mai i te mau tamari'i 'aravihi o te fenua nei, 'eiaha rātou 'ia reva 'ē nā te ara nō te 'imi i te 'ohipa.

E mara'a mai te mau patura'a rarahi i te fenua nei nō te moni rahi e nīni'i hia mai, 'e e mara'a ato'a ri'i mai te mau tihepura'a i reira nō te mau taiete tapiho'o 'e tapiha'a.

Tē ti'aturi nei mātou ē, e hiti te parau o Pōrīnetia i roto i te mau tāu'ara'a parau o te ao nei i te pae o te tauiuira'a o te reva, nā roto ihoā rā i te mau rāve'a anoha'a 'āpī tei noa'a iā mātou nō te ha'apārahi i te huira'atira e fifi ra nō te mara'ara'a o te miti i te pae Tuāmotu 'e hau atu.

Fa'aro'o mai i te fa'atere hau Jean-Christophe Bouissou nō ni'a i te 'ōpuara'a 'e te maita'i e noa'a mai nā ni'a iā TNTV:

Māta'ita'i nā ni'a iā Youtube

Tē ha'a ato'a nei 'o Blue Frontiers nō ni'a i te tahi atu mau 'ōpuara'a nohora'atai i te ao ato'a nei.

Fāfā atu